كۆمهڵهی سوریی بۆ چاودێریكردنی مافهكانی مرۆڤ ئاشكرایكردوه، تهنها لهماوهی پێنج ڕۆژی كۆتایی ههفتهی ڕابردودا لهههریهك لهشارهكانی (حهما، حومس و دێرهزور) لهسوریا، داعش (69) كهسی لهسێدارهداوه.
كۆمهڵهكه جهختی لهوهشكردۆتهوه، لهنێو ئهوانهی لهسێدارهدراون، سێ منداڵ بوونیان ههیه، كه تهمهنیان لهخوار (18) ساڵیهوهیه.
(ڕامی عهبدولڕهحمان) سهرۆكی كۆمهڵهكه باسی پهلاماری داعشی بۆسهر كهمپی (یهرموك)ی فهڵهستینیهكان لهسوریا كردوهو ڕایگهیاندوه، گومان ههیه ئهو پهلاماره لهناو كهمپهكهوه كرابێت بههاوكاریی بهرهی نوسره، چونكه "دهنگۆیهك ههیه، كه بهرهی نوسره خهڵكی ناو كهمپهكهی چهكدار كردوه".
-----------------------------------------------------------------
