حهیدهر عهبادی، سهرۆك وهزیرانی حكومهتی عیراقی فیدڕاڵ، له وتهیهكدا بهبۆنهی یادی دامهزراندنی حهشدی شهعبی، رایگهیاند: "حهشدی شهعبی دهزگایهكی ئهمنی عیراقییه، بۆیه حكومهت بهرپرسه له دابینكردنی چهك و مووچه بۆ ئهو دامهزراوه". روونیشیكردهوه، كه حهشدی شهعبی له شهڕی داعش، سهركهوتوو بووه.
ئاماژهی بهوهشدا، كه فهتوای مهرجهعی ئاینی، عیراقی بهسهرجهم پێكهاته و ئاینزاكانییهوه یهكخست، وتیشی: "ئهگهر قوربانیدانی حهشد و هێزه ئهمنییهكان نهبوایه ئێستا سهقامگیری لهناوچهكهدا نهمابوو".
ئاماژهی بهوهشدا، كه رێكخراوی تیرۆریستی داعش ئاینی ئیسلامی قۆستووهتهوه بۆ پهردهپۆشكردنی تاوانهكانی دژ بهگهلی عیراق، وتیشی: "مهترسییهكانی داعش تهنها له عیراق ناوهستێت، بهڵكو بۆ وڵاتانی تریش دهڕوات".
